AYITISTATS santralize aksè ak tout done piblik Ayiti yo pou fasilite rechèch, analiz ak pran desizyon, san li pa estoke done yo dirèkteman lakay li.
Santralize tout done piblik Ayiti yo ou ede chèchè yo, etidyan yo, jounalis yo, antrepriz yo, ONG yo ak moun k ap pran desizyon yo nan travay analiz ak rechèch yo.
Kreye grafik entèaktif ak vizyalizasyon pèsonalize pou pi byen konprann tandans yo.
Jwenn aksè avèk done ki verifye epi kap aktyalize regilyèman pa sous ofisyèl yo.
Konvèti fasilman done ou yo nan diferan fòma (CSV, Excel, JSON) pou yo ka mache pi byen.
Eksplore, analize ak vizyalize done ofisyèl Ayiti yo pou pi byen konprann defi li yo ak opòtinite li yo.
Endikatè esansyèl yo pou analize evolisyon sosyo-ekonomik Ayiti.
Konsilte dènye estatistik yo ak endikatè kle sou Ayiti yo epi avèk done kap aktyalize preske chak jou.
Ayiti divize an 10 depatman jeografik, depatman Lwès la se pi gwo a epi li pi peple a.
Malgre diferans sipèfisi yo, chak depatman gen pwòp potansyèl ekonomik li, pwòp resous agrikòl li ak pwòp pouvwa li pou l atire touris.
Depatman Lwès ak depatmant Latibonit reprezante poukont yo 36% teritwa nasyonal la.
Atik 9 Konstitisyon an etabli yon divizyon administratif an twa nivo: depatman yo, komin yo ak seksyon kominal yo.
Estrikti administratif sa a montre yon volonte pou bay sèvis piblik yo nan zòn vil yo tankou nan zòn andeyò yo. Li gen objektif tou pou l ranfòse kolektivite teritoryal yo.
Se nan depatman Lwès ak depatman Nò ki gen pi fò dansite popilasyon peyi Dayiti a, avèk pi gwo kantite moun pa kilomèt kare.
Popilasyon ayisyèn nan trè jèn, plis pase mwatye moun yo gen mwens pase 25 lane.
Dominasyon jèn yo nan estrikti demografik la reprezante an menm tan yon potansyèl pou devlopman ak yon gwo defi nan domèn edikasyon, fòmasyon pwofesyonèl ak kreyasyon travay pou jenerasyon k ap vini yo.
Piramid laj la montre yon estrikti demografik ki trè jèn. Gen anpil timoun ak adolesan ki gen ant 0 ak 14 lane, men pa gen anpil granmoun ki gen plis pase 80 lane.
Ayiti gen anviwon 11.77 milyon abitan, sa fè li youn nan peyi ki pi peple nan Karayib la.
Nan anviwon sis deseni, popilasyon an triple. Projèksyon demografik yo prevwa kwasans lan ap kontinye, men pi dousman.
Evolisyon popilasyon total peyi Ayiti soti 1960 rive 2024. Popilasyon an triple nan 64 lane, li pase de 3.8 milyon abitan an 1960 pou li rive 11.8 milyon an 2024.
Depatman Lwès la poukont li rasanble 35% nan popilasyon total peyi a
To fètilite a reprezante kantite mwayèn timoun yon fanm ka fè pandan tout vi li kote li kapab fè pitit.
To sa a, ki pi wo pase limit renouvèlman 2.1 an, fè wè fanm yo toujou ap fè anpil timoun menm si kantite a ap desann piti piti konpare ak deseni pase yo.
Evolisyon to fètilite an Ayiti soti 1960 rive 2023. To fètilite a fè yon bès espektakilè 56% nan 63 lane, li pase de 6.2 timoun pou chak fanm an 1960 pou rive 2.7 an 2023.
Dansite popilasyon an mezire kantite mwayèn abitan pou chak kilomèt kare sou tout teritwa nasyonal la.
Dansite mwayèn sa a kache gwo diferans nan teritwa yo. Depatman Lwès, pa egzanp, rive a plis pase 800 abitan/km², alòske gen zòn andeyò ki pa gen anpil moun ditou.
Dansite popilasyon an Ayiti te ogmante anpil nan sis dènye deseni sa yo, li te pase de 142 moun pa km² nan lane 1961 pou rive a 417 moun pa km² an 2022.
Ayiti montre yon kwasans demografik anyèl ki rete relativman estab depi dezas tranblemanntè 12 janvye 2010 la.
Men, kwasans sa a yon ti jan ap ralanti , akoz to fètilite a k ap diminye ansanm ak anpil moun ki kite peyi a pou al viv lòt bò.
To kwasans demografik la an Ayiti te diminye piti piti nan sis dènye deseni yo. Diminisyon sa a ka gen rapò ak bès to fètilite a ak chanjman nan dinamik migrasyon yo.
Popilasyon Ayiti a divize ant moun kap viv lavil ak andeyò, avèk yon tandans k ap grandi pou plis moun ale viv nan vil yo.
Malgre yo an minorite, 40% popilasyon riral la jwe yon wòl enpòtan nan ekonomi nasyonal la, sitou nan pwodiksyon agrikòl la. Men, akòz pa gen ase enfrastrikti ni sèvis nan zòn riral yo, moun yo oblige kite andeyò pou yo ale rete nan vil yo.
Nan dènye deseni sa yo, anpil moun an Ayiti kite andeyò pou ale viv lavil. Jouk 2012, pifò moun yo te abite andeyò, men depi 2013, majorite popilasyon an rete lavil kounye a.
Evolisyon Pwodwi Enteryè Brit (PIB) Ayiti a an milya dola ameriken. PIB a te konnen yon kwasans modere malgre tout difikilte ekonomik yo.
To enflasyon anyèl la an pousantaj. Enflasyon an te ogmante anpil nan dènye ane sa yo, sa afekte pouvwa konsòmasyon fanmi yo.
To chomaj la an pousantaj nan popilasyon aktiv la. Chomaj la rete yon gwo defi, sitou pami jèn yo.
Evolisyon enpòtasyon ak ekspòtasyon an milya dola. Defisi komèsyal la pa sispann depi dènye ane sa yo, sa montre peyi a depann anpil sou sa lap achte nan men lòt peyi.
Evolisyon to dechanj ant Goud ayisyen an ak Dola ameriken an. Fason Goud la ap pèdi valè a afekte ekonomi an anpil anpil.
Fason Pwodwi Enteryè Brit la separe pou chak sektè aktivite. Sektè sèvis yo domine ekonomi Ayiti a (58%), apre sa gen endistri (25%) epi agrikilti (17%).
Yo konsidere yon antrepriz kòm yon MPME si li ranpli de (2) kritè sa yo: yon efektif ki ant 1 ak 100 anplwaye epi yon chif dafè anyèl ki enferyè a 50 milyon goud.
MPME yo se yon pilye fondamantal nan ekonomi ayisyen an epi yo reprezante yon pati enpòtan nan anplwa ak PIB a. Souvan, se yo menm ki nan orijin inovasyon ak divèsite nan peyi a.
Kantite antrepriz yo dapre gwosè yo (mikwo, ti piti, mwayèn)
Pifò MPME yo opere nan lari a oswa sou twotwa yo, pandan gen kèk lòt ki fonksyone lakay yo.
Malgre majorite nan MPME yo opere san anrejistreman fòmèl, yo kontribye anpil nan PIB a (3,2 Md USD), prèske menm jan ak 11% ki anrejistre yo(4,2 Md USD).
Pousantaj MPME yo selon tip kote yo opere komèsyalman
Majorite nan MPME yo nan peyi Dayiti ap evolye nan sektè komès la, kote yo fè sitou aktivite komèsyal an gwo ak an detay, ospitalite ak imobilye.
Sèlman 16% nan MPME yo ki opere nan endistri ak sèvis : eksplwatasyon minyè, fabrikasyon, transfòmasyon agrikòl, edikasyon, asirans ak sèvis pwofesyonèl.
Pousantaj MPME yo pa sektè aktivite ekonomik
Sistèm edikasyon Ayiti a se sitou sektè prive a ki kontwole li, se li ki responsab prèske tout lekòl yo.
Repatisyon sa a fè Ayiti yon ka espesyal nan rejyon an. Frè eskolè yo, avèk lòt depans tankou transpò, inifòm obligatwa ak liv yo, fè anpil fanmi pa kapab voye timoun yo lekòl.
Distribisyon lekòl yo ant sektè prive ak piblik. Lekòl prive yo domine edikasyon nan peyi Dayiti, yo se 83% nan lekòl yo.
Daprè UNESCO, yon moun se analfabèt si li pa kapab li epi konprann yon tèks senp nan lavi chak jou, oswa si li kapab sèlman rekonèt nimewo, non li ak fraz li aprann pa kè.
Mwayèn nasyonal sa a 68% kache gwo inegalite ant gason ak fi, 73% gason yo alfabetize kont 64% fanm yo.
Pousantaj moun ki gen 15 lane ak plis ki kapab li epi ekri yon ti tèks senp ki gen rapò ak lavi chak jou yo.
Endikatè sa a mezire repatisyon popilasyon an dapre pi wo sik edikasyon yo fini avèk siksè.
Estrikti edikasyon popilasyon an montre moun yo abandone lekòl piti piti lè yo rive nan nivo siperyè yo, se prèske sèlman mwatye nan popilasyon an ki rive fini ak sik primè a.
Pousantaj moun ki fini lekòl selon nivo yo rive, pou moun 25 an ak plis, ak yon ti kantite moun ki rive nan nivo siperyè yo.
Esperans lavi a reprezante kantite mwayèn ane yon moun ka espere viv depi li fèt.
Rezo enstitisyon sante yo (lopital piblik, sant sante, dispansè, elatriye) gen difikilte pou kouvri bezwen sante popilasyon an.
Konbyen lane moun espere viv lè yo fèt. Esperans lavi an Ayiti se youn nan pi fèb yo nan rejyon an, sa montre gwo defi sanitè peyi a.
Ayiti ap fè fas ak yon gwo mank pwofesyonèl sante kalifye, selon dènye resansman MSPP yo.
Chif sa a byen lwen estanda Òganizasyon Mondyal Sante (OMS), ki rekòmande pou pi piti 45 pwofesyonèl sante pou 10 000 abitan, sa vle di 4.5 pou 1 000 abitan.
Distribisyon travayè lasante yo pa kalite pwofesyon yo. Enfimye yo reprezante majorite pèsonèl medikal la an Ayiti.
Mòtalite timoun yo mezire kantite timoun ki gen mwens pase yon lane ki mouri pou 1 000 ti bebe ki fèt vivan.
Depi kòmansman lane 60 yo, mòtalite timoun yo diminye anpil, li pase de 193.2 an 1960 rive 40.3 an 2023, eksepte an 2010 kote pa t gen okenn diminisyon.
Kijan to mòtalite timoun yo ap chanje (pou 1000 ti bebe ki fèt vivan). Gen bon pwogrè ki fèt nan dènye tan sa yo.
Endikatè sa a mezire kantite mwayèn alkòl ki pa melanje, moun ki gen 15 lane ak plis, konsome chak ane.
Konsomasyon alkòl an Ayiti rete relativman modere konpare ak mwayèn rejyonal yo ak entènasyonal yo.
Kantite alkòl chak moun bwè chak ane an lit. Done yo montre moun yo ap bwè mwens alkòl nan dènye tan sa yo.
Kapasite lopital yo reprezante youn nan pi gwo defi sistèm sante ayisyen an.
Kapasite limite sa a anpeche moun yo jwenn bon jan laswenyaj, epi li fè anpil presyon sou enfrastrikti ki deja egziste yo, espesyalman nan zòn vil yo.
Kantite kabann lopital pou 1 000 abitan. Kapasite sistèm sante a twò fèb pou sa peyi a bezwen an reyalite.
Endikatè sa a pèmèt yo idantifye maladi ak kondisyon patològik ki responsab pou pi gwo kantite lanmò nan yon popilasyon.
Maladi ki pa kontajye yo (maladi kadyovaskilè, dyabèt, kansè) reprezante 54.8% kòz lanmò an Ayiti, devan maladi enfeksye ak parazitè yo.
Distribisyon kòz prensipal lanmò yo an pousantaj. Maladi moun pa ka bay lòt moun yo se pi gwo kòz lanmò nan peyi a.
Distribisyon kòz prensipal lanmò pou chak 100 000 moun. Maladi kè ak aksidan vaskilè sèvo yo domine lis la.
Pwodiksyon elektrisite pa abitan mezire tout kantite enèji elektrik yo pwodwi chak ane pou chak moun nan yon peyi.
Tèm "kouran elektrik" ak "enèji" souvan melanje, men elektrisite reprezante jis yon ti pòsyon nan tout demann enèji a.
Evolisyon pwodiksyon anyèl elektrisite pou chak abitan an Ayiti, mezire an kilowatè (kWh).
Emisyon CO₂ pou chak abitan mezire kantite dyoksid kabòn ki lage chak ane pou chak moun nan atmosfè a.
Se yon endikatè enpòtan pou anprent kabòn yon peyi. Li gen ladan l emisyon ki soti nan gaz fosil yo, pwosesis lakay izin yo, transpò, fè kouran elektrik ak chofaj.
Emisyon CO₂ ki soti nan konbisyon konbistib fosil ak pwosesis endistriyèl yo, tankou transpò, elektrisite ak chofaj.
Konsomasyon enèji pou chak abitan mezire tout kantite enèji ki itilize chak ane pou chak moun, eksprime an kilogram ekivalan petwòl (kgoe).
Li reprezante enèji ki pwodwi lokalman, plis enpòtasyon yo, mwens ekspòtasyon yo ak enèji ki bay nan transpò entènasyonal (tankou bato ak avyon).
Konsomasyon enèji pou chak abitant an Ayiti (kgoe). Konsamasyon enèji a te relativman estab depi ane 70 yo.
Aksè ak elektrisite mezire pousantaj popilasyon an ki gen yon sous elektrisite ki fyab pandan omwen 4 èdtan pa jou.
Pousantaj 51.3% sa a montre apeprè mwatye popilasyon ayisyen an pa gen aksè a elektrisite. Yon sitiyasyon ki anpeche edikasyon, sante ak devlopman ekonomik nan zòn riral yo ak zòn vil ki defavorize yo.
Aksè ak elektrisite vle di pousantaj popilasyon an ki gen yon sous elektrisite ki kapab bay yon ekleraj debaz, chaje yon telefòn oswa alimante yon radyo pandan pou piti 4 èdtan pa jou.
Aksè a metòd kwizin pwòp se yon indikatè ki mezire pousantaj popilasyon an k ap itilize konbistib ak teknoloji ki pa polye pou kwit manje.
Pousantaj fèb sa a, 4.5% vle di ke prèske 95% Ayisyen yo ap kwit manje ak konbistib solid (bwa, chabon, rès agrikòl, fimye), yon bagay ki ka lakòz lanmò ak gwo pwoblèm lasante.
Pousantaj popilasyon an ki gen aksè ak konbistib pwòp pou kwit manje. Aksè ak konbistib pwòp diminye ekspozisyon ak polyan anndan kay, ki se yon gwo kòz lanmò nan kay fanmi ki pa gen anpil lajan yo.
Pousantaj enèji renouvlab yo mezire ki pati nan kouran elektrik yo fè ak sous renouvlab tankou dlo, solèy, van oswa byomas.
Avèk sèlman 18.9% elektrisite yo pwodwi apati sous renouvlab yo, Ayiti rete depann anpil de konbistib fosil li enpòte yo pou pwodiksyon enèji li.
Pousantaj elektrisite ki pwodwi ak enèji renouvlab ann Ayiti. Enèji renouvlab yo enkli solè, van, idwoelektrik, byoenèji, jewotèmi, vag ak mare.
Gen aksè fasil ak tout done piblik Ayiti yo, yo santralize epi òganize pa sektè, ane piblikasyon ak sous ofisyèl.